ონლაინ საკვირაო სკოლა
აზროვნების აკადემიაში ონლაინ საკვირაო სკოლა ბრუნდება!
ონლაინ საკვირაო სკოლა მოიცავს ფსიქოლოგიისა და მხატვრული ლიტერატურის პროგრამას, რომელიც განკუთვნილია 7-17 წლის ბავშვებისა და მოზარდებისთვის! ფსიქოლოგიისა და მხატვრული ლიტერატურის პროგრამა აერთიანებს ორ მიმართულებას, შეხვედრების თემატიკა და მიდგომები მორგებულია ასაკობრივი კატეგორიების სპეციფიკას.
ლიტერატურის მიმართულებით მონაწილეები ეცნობიან ასაკობრივი თავისებურებების გათვალისწინებით შერჩეულ ტექსტებს, მსჯელობენ მათზე და განიხილავენ ნაწარმოებებში წამოჭრილ მნიშვნელოვან საკითხებს. პროგრამა მრავალფეროვანია და მოიცავს ზღაპრებს, იგავებს, მითებს, კლასიკურ თუ თანამედროვე მხატვრულ ლიტერატურას, ხოლო უფროსი ასაკობრივი ჯგუფისთვის ფილოსოფიურ ტექსტებსა და თემებსაც.
შეხვედრების მთავარი მიზანია, მონაწილეებმა შეძლონ ნაწარმოებებში ასახული პრობლემატიკის სიღრმისეული გააზრება, საკუთარი პოზიციის არგუმენტირებულად გამოხატვა და მხატვრულ ტექსტთან დამოუკიდებელი, შემოქმედებითი თუ რეფლექსიური მიდგომის ჩამოყალიბება.
ლიტერატურული შეხვედრების მიზანია, მოზარდმა შეძლოს ნაწარმოებებში ასახული პრობლემატიკის აღქმა-გააზრება და მათ მიმართ საკუთარი დამოკიდებულების გამოხატვა, მხატვრულ ტექსტთან დამოუკიდებელი, შემოქმედებითი და რეფლექსიური მიდგომა.
ფსიქოლოგიის მიმართულება მოიცავს კომპლექსურ საკითხებს. ფსიქოლოგთან ერთად ჯგუფი განიხილავს აქტუალურ, მათი ასაკისთვის საინტერესო, განსაკუთრებით პრობლემურ საკითხებს (სირთულეების დაძლევის გზები, ემოციების მართვა, კომპლექსები, ფობიები, კომუნიკაციის პრობლემები, თვითშეფასება, ინტერნეტდამოკიდებულება…).
მეგობრულ და თავისუფალ სივრცეში თანატოლები ერთმანეთს აზრებსა და გამოცდილებას უზიარებენ.
🔹
პროგრამის ნაწილია ყოველთვიური სალექციო შეხვედრები მონაწილეთა მშობლებისათვის. ბავშვის აღზრდის, შესაბამისი ასაკობრივი ფსიქოლოგიური თავისებურებების შესახებ აზროვნების აკადემიის ფსიქოლოგებთან. დასწრება შესაძლებელია როგორც ადგილზე, ისე ონლაინ.
აზროვნების აკადემია არის სივრცე აზრთა გაცვლა-გამოცვლის, გამოცდილების გაზიარებისა და ინტერაქციისათვის, სადაც მონაწილეთათვის ცოდნის და გამოცდილების შეძენა მოსაწყენი და მომაბეზრებელი პროცესის ნაცვლად სახალისო და საინტერესოა.
შეხვედრებს წარმართავენ აზროვნების აკადემიის პედაგოგები.
📅 შეხვედრები გაიმართება კვირაში ერთხელ (შაბათს ან კვირას)
⏳ შეხვედრის ხანგრძლივობა – 1სთ და 30 წუთი
🔖 კურსის საფასური – თვე – 150 ლარი.
🔖 სრული კურსის საფასურის ერთიანად გადახდის შემთხვევაში მოქმედებს 20% ფასდაკლება.
🔖 დედმამიშვილების მონაწილეობის შემთხვევაში მოქმედებს 10%-იანი ფასდაკლება.
💻 კურსზე დასწრება შესაძლებელი იქნება ონლაინ ფორმატში.