“აზროვნების აკადემია” იწყებს შემოქმედებითი წერის კონკურსს 9-17 წლის მოზარდებისთვის.

🌍 ორეტაპიანი თავგადასავალი, ცოცხალი შემოქმედებითი პროცესი, ჟანრული მრავალფეროვნება, განსხვავებული დავალებები და დაუვიწყარი გამოცდილება!

✍️ ჩვენი შემოქმედებითი წერის კონკურსი ეფუძნება იდეას, რომ წერა არის აზროვნების, შემოქმედებისა და თვითგამოხატვის უნივერსალური ინსტრუმენტი და არა მხოლოდ მწერლობის, როგორც პროფესიის ნაწილი.

👧👦 კონკურსში მონაწილეობის მიღება შეუძლიათ 9-17 წლის ბავშვებსა და მოზარდებს.

📝 კონკურსი ორ ეტაპად მიმდინარეობს. პირველ ეტაპზე მონაწილეები დავალებას გამოგზავნიან, ხოლო ფინალური ეტაპის დავალებას დაწერენ ადგილზე, სპეციალურად მოწყობილ სივრცეში, წინასწარ განსაზღვრულ დროში.

💡 ყოველი დავალება ემყარება შემოქმედებით ბიძგს, რომელზეც მონაწილე საკუთარ ტექსტს ააგებს. ეს ბიძგი შეიძლება იყოს სიტყვიერი (ფრაზა, სათაური…), ვიზუალური (ნახატი, ნივთი…) ან კონცეპტუალური (განწყობა, იდეა, სიტუაცია). მიზანი ერთია – წარმოსახვის ამუშავება და იმ ინდივიდუალური ხედვის წარმოჩენა, რომლითაც აღიქვამს თითოეული მონაწილე სამყაროს. ამასთან ერთად, შეთავაზებული იქნება ნამუშევრის წარმოდგენის კონკრეტული ფორმა (ჩანახატი, მონოლოგი, მოთხრობა, წერილი…).

🏙️ნამუშევრები შეფასდება შემდეგი კრიტერიუმების მიხედვით:

✍️ინდივიდუალური ხედვა

✍️სტრუქტურა და თხრობის შინაგანი,

✍️ლოგიკა

✍️მხატვრულ -გამომსახველობითი საშუალებები

✍️გრამატიკა და სტილი 

დავალების პირობა, ფორმა და შეფასების კრიტერიუმები განსაზღვრულია ასაკობრივი თავისებურებების გათვალისწინებით.